Халықаралық биологиялық әртүрлілік күнімен құттықтаймыз!

Биоалуантүрлілікті зерттеу және сақтау орталығы қоғамдық қоры барлық қатысушыларды Халықаралық биологиялық әртүрлілік күнімен шын жүректен құттықтайды!

Қазақстанның табиғаты - баға жетпес байлық. Далалар мен ормандар, таулар мен шөлдер, өзен-көлдер - мұның бәрі өсімдіктер мен жануарлардың сан алуан түрлеріне мекен. Осы табиғи мұраны сақтап қалу - бәріміздің ортақ міндетіміз.

Бұл күн бізге тіршілік атаулыға қамқор болудың маңызын еске салады. Бір түп ағаш отырғызу, экологиялық біліммен бөлісу секілді әрбір әрекет — Жерімізді жасыл әрі өмірге қолайлы ете түседі.

Табиғатты қорғауға үлес қосып жүрген әрбір жанға алғыс айтамыз! Бірге болсақ, биологиялық әртүрлілікті болашақ ұрпақ үшін сақтап қала аламыз!